خطاك الـشـــــــــــــــــــــــــــــــر !

[مـطـ الشمس ـلـع]

خطاك الشر يا عمري خطاك =عسى عمرك تفاريح وربيع


وِتِصْحَبكْ السلامه في خٌطاك =وفال السعد لك دايم رِبِيْع


ترى مالي هوى إلاَّهـــــــواك =أنا احبك ومن غيرك أضـيع


حبيبي ومطلبي دايم رضاك =صوابك ضيَّق الكون الوسيع


أحبك يا عسى عمري فداك =وشانك يالغلا عندي رفـــيع


تأثَّــرت بصــوابك من غــلاك =وعشت بحسرتي مثل الوديع


أصبِّر قلبي وفــكري معــاك =أهوجس فيك يا حلمي البديع


أطرِّش لك خيالي في مساك =يطمِّــــــني وبعــلومك يذيع