الشمس

[مـطـ الشمس ـلـع]

الشمس غــير الكـواكب والنــجوم =من وِصَــلْهَا يحــترق ذاق الهــلاك


من تمــنَّاها على نفــسه ظلوم =من حــتوف المــوت مـا يلــقى فكـــاك


أنشدك تصحى من اضغاث الحلوم =وانتــبه للّــي تقـــوله وش بـــلاك


شفتني في الحلم أو جاتك علوم =ويــش دخّــلني بســويداك وغــلاك


ومـثل ما قد قلت مع ربعي مْحشوم =ذا صحـيح ومنزلي بأعلى سماك


ولي شغاميم على الشدة تــــــروم =هجـنهم وخـيولهم ترهـب عــداك


عزِّنا مــوروث من مــجد ورسـوم =ما طلبــــنا العــز مــن هــذا وذاك


شفــتنا وتشـوفنا عــند اللــزوم =ما نهــاب الموت أو نخشى العراك


والكــرم فيــنا وعــادات وســلوم =والزِّبِينْ نقــول له كــل شي فداك


وفّر وصــوفك على نفـسك ولوم =وان حلمت احلم على من مستواك


والشمس غير الكواكب والنجوم =ومن يحــاول وصــلها ذاق الهـلاك