..ورد الشقاء..

[خلف البجيدي]

http://gallery.7oob.net/data/media/20/www_7oob_net_18.gif




ورد
الشقاء



ياقلب لك مرسى. ولافيه مينه=وتطرد سراب القيض.يالقلب هوليه
اللي تبي قبل امس.وينك ووينه=يوم انت ماتجهل خوافي.شواطيه
صحيح به ذكرى. ولحظه ثمينه=ودري بعّد بالليل.محلى النظر فيه
لاشك من غدر البشر.عارفيه=واكبر دليل. اشلون جفّة موانيه
ورد الشقاء. لوفاد وقته وحينه=يشره على بعض الصّدف.ماتخفّيه
ملّيت ناسٍ طيبهم.مشترينه=العز ورثه.مانبيعه ونشريه
تشفق على جرد الصحاري. مدينه=ترجي من اكفوف المقادير.ترويه
واللي على درب الوفاء مات.فينه=وش لون ابرجي من توّفى.وراعيه
كلٍ تعلّم واعتبر.من سنينه=ياواحة الحرمان. همي عرفتيه
اشتقت صوتٍ ماعطاني.حنينه=حنيت عدواني على شان.طاريه
مثل البنفسج.في رياض الغبينه=قربه يضرك. وانت بالحيل تغليه
وشوفه يسرك.وش بعّد لون زينه=إلا الحروف الأبجديه. اتشاديه
مال السعاده والهناء. نوب عينه=ودربٍ ايودي للشقاء.دوم ماشيه
ماطعتني ياقلب. والناس شينه=تاهة مجاديفك.ورى حلم ترجيه
ياالقلب لوترسي.على كل مينه=هوليه ماتمشي على الكيف.هوليه