كرت

[خلف البجيدي]

كرت


الى من حذفت مشاركاتي
والغت عضويتي للأسف في احد المواقع الادبيه




دونك على قدرك..على كيف مادرت=انتي عجوزٍ،راح وقت الطراوه
معاد تنفع.ياعشيري تغيرت=لابد طعم المر..عقب الحلاوه
ومن يوم وّقتي..ياالحبيّب.سحب كرت=ترقص على متنه.اغصون الشقاوه
يوم القلم..سيف ألكتابه.وسطّرت=قافٍ على وضح النقاء..والصفاوه
ون كان ماتمشي معك..وين، ماسرت=بعض المثايل..ماعليها، شفاوه
وعز الله انّي..توي اليوم .فكّرت=يوم ارتفع..جفن الشفق. للنقاوه
واكيد مالي عنك..لوباالسماء.طرت=وهاذي.حقيقة شي..ماهي عداوه
الله يسقي مامظى منك..نوّرت=دربٍ..على عصر الشقى.والبداوه
لاتعتذر لي..وش بقى.لوتعذّرت=ياجيت ابشرح لك..عنى الجرح.داوه
جبر الخواطر..اعتقد.لوتعطرت=لامّ الهدايا..والزعل.والرضاوه
صحيح ألبيّلك..اليى منّك.اشرت=وش حاجة الماعون.دون الغطاوه
البارحه. في تالي الليل.سمهرت=وجمّعت خلق الله مثل القطاوه
وانا مع اللي تلبس الجنز وترت=وين انت رايح.والدلع والرخاوه
وابشّرك توي.على صدرها صرت=واليوم ماينفعك.كثر الغباوه
لو انت غالي كان تسوى ومابرت=افطن ترى شرواك من قال ياوه
ماتدري انّي يانويتك وقررت=ماني اسواة اللي ايسوق الاخاوه
ياصويحبي ياصاحب الكل كثرت= والقصه اللي تنتهي بالهداوه
الشكوى لله ليتك اليوم وفرت=على الأقل. من جاك. بالورد ساوه
الله واكبر..لو علِيّه.تكّبرت=زودٍ على التقدير..تلقى حفاوه
كم همت لك..ياسيّد الجرح،وحترت=والجو ياغيّم..يبي له.صحاوه
وسجيّت لك باالحرف..من وين،مادرت=وحنّة..اجروحٍ ذابله.للطراوه