يا سيـــــــــــــــــــــــــــــــــــــــدي

[الشامخ]

هذه القصيدة بعنوان ( ياسيدي )قالها أحد الأصدقاء في أبوي أطال الله في عمره ورديت عليه . يقول


ياسيدي صحت على السعد يمناك=ياراعي الشيمة على كل حالة
اقولها ماهو بكذب وتنماك =في واحد ممدوح والطيب فاله
انا اشهد ان الكفو مثلك وشرواك =الا ردي القوم تقصر فعالة
بعض العرب ماله من الناس الاملاك =الا مع ربع الردى والسفالة
واما انت لا والله هذا تعداك=منزلك في دار الوفا والشكالة
تمشي على درب تفرش بالاشواك =وتغض طرفك عن ربوع الجهالة
ياشيخ من هو اللي من الناس يسواك =ترى الشرف ماهوب سهل مناله
باقي لنا نورك يضوي وتفداك =ارواح رعيان الردى والنذالة
ياجعل موت ياخذ الناس ينساك =تبقى لنا رمز الشيم والدلالة
وختامها نشهد وتشهد سواياك =انك من اهل الطيب واهل الجماله
..
وأنا رديت عليه بعنوان ( ما هي غريبة )وقلت

حياك ربي يالوفي ثم حياك = حياك يا شهمٍ تميز لحاله
قريت قولك كان ممتاز مبداك = مبدأ الذي دايم ترى السعد فاله
ما هي غريبة كلمتك ذيك من فاك = رجلٍ يميز يمنته عن شماله
ما خاب ( ..... ) يوم جابك ورباك = رباك علمْك الكرم والرجاله
كفوٍ ولد كفوٍ على الخير لباك = يفديك حتى لو بنفسه وماله
والجد صيته عند هذا وهذاك = شهمٍ كريمٍ فارسٍ والوفا له
إن التقى بك قام وأكرمك وأعطاك = وإن جاء رفيقه ظلم راح اشتكا له
وإن إعتزيت فقال عندك وسعداك = يشهد له اللي في القرى والمحاله
وأنت السلالة وأنت ذالشبل من ذاك = ذاك الأسد ذا كل شخصٍ بكاله
ختامها يعزك الله ويرعاك = ويحفظك ربي بعزة جلاله
الشـــــــــــامخ