الشامخ
03-04-2007, 07:12 PM
وصف المزيون
ياربنا ياخالق الناس من طين = ياخالق الدنيا ورافع سماها
أنت الغني وجعلت خلقك مساكين = وجعلت بعض الناس زايد حلاها
قلبي تولع وأصبح الشوق شوقين = للي على روحي توكل ولاها
بأوصفك يالمزيون وصفٍ عن العين = اللي تلاقي في فراقك عناها
مهما وصفت الزين وصفي ترى شين = كل الوصوف اللي ببالي ملاها
الوجه نور البدر والناس ممسين = والعين عينٍ للمها في رباها
جبينها ميرايةٍ للمحبين = سبحان من خلى شعاعه سطاها
والاّ الحواجب مثل نونٍ وقوسين = واهدابها ريش الحمام أكتساها
وخدها وردٍ من أحلى البساتين = نرجس وعندم والله اللي حماها
نظراتها سهمٍ وسحرٍ وسكين = والسهم يرمي كل عينٍ تراها
والفم خاتم شفته دوم تشفين = والخشم مثل السيف ربي عطاها
حديثها زجل الحمام المغنين = بسماتها برقٍ يشع بسناها
وريحها عنبر وعود ورياحين = وريح الخزاما فايحٍ من شذاها
والشعر ليلٍ منتثر فوق متنين = والجيد جيد الضبي نوره غشاها
سبحان من كمْلْك يا كامل الزين = وبجنبك العالم خفظ مستواها
قلبي يقول إنك بقلبك تنادين = قلوبنا تحكي وحن ما نراها
يقول قلبك إنك اليوم تشكين = عطشانةٍ روحك وما أحدٍ سقاها
وأقول يا عمري وش اللي تريدين = روحك وداعة جعل روحي فداها
أرمي شباكك لو تحبين ترمين = صيدي بها روحي قبل منتهاها
وإن جا لروحي بيع لا لاتبيعين = لا تسمحين لكل من جاء شراها
يومٍ من الفرقى يشابه لحولين = وأخاف يعمي العين زايد بكاها
نار الهوى والشوق بالقلب نارين = مسكين من عدى ولاقى لظاها
سبحان من جمع على الحب قلبين = وقلوبنا ما أحدٍ يفرق قواها
عسى السعادة دهر وأيام وسنين = وعسى ليالي الشر تطوي رشاها
الشـــــــــــــــامخ
ياربنا ياخالق الناس من طين = ياخالق الدنيا ورافع سماها
أنت الغني وجعلت خلقك مساكين = وجعلت بعض الناس زايد حلاها
قلبي تولع وأصبح الشوق شوقين = للي على روحي توكل ولاها
بأوصفك يالمزيون وصفٍ عن العين = اللي تلاقي في فراقك عناها
مهما وصفت الزين وصفي ترى شين = كل الوصوف اللي ببالي ملاها
الوجه نور البدر والناس ممسين = والعين عينٍ للمها في رباها
جبينها ميرايةٍ للمحبين = سبحان من خلى شعاعه سطاها
والاّ الحواجب مثل نونٍ وقوسين = واهدابها ريش الحمام أكتساها
وخدها وردٍ من أحلى البساتين = نرجس وعندم والله اللي حماها
نظراتها سهمٍ وسحرٍ وسكين = والسهم يرمي كل عينٍ تراها
والفم خاتم شفته دوم تشفين = والخشم مثل السيف ربي عطاها
حديثها زجل الحمام المغنين = بسماتها برقٍ يشع بسناها
وريحها عنبر وعود ورياحين = وريح الخزاما فايحٍ من شذاها
والشعر ليلٍ منتثر فوق متنين = والجيد جيد الضبي نوره غشاها
سبحان من كمْلْك يا كامل الزين = وبجنبك العالم خفظ مستواها
قلبي يقول إنك بقلبك تنادين = قلوبنا تحكي وحن ما نراها
يقول قلبك إنك اليوم تشكين = عطشانةٍ روحك وما أحدٍ سقاها
وأقول يا عمري وش اللي تريدين = روحك وداعة جعل روحي فداها
أرمي شباكك لو تحبين ترمين = صيدي بها روحي قبل منتهاها
وإن جا لروحي بيع لا لاتبيعين = لا تسمحين لكل من جاء شراها
يومٍ من الفرقى يشابه لحولين = وأخاف يعمي العين زايد بكاها
نار الهوى والشوق بالقلب نارين = مسكين من عدى ولاقى لظاها
سبحان من جمع على الحب قلبين = وقلوبنا ما أحدٍ يفرق قواها
عسى السعادة دهر وأيام وسنين = وعسى ليالي الشر تطوي رشاها
الشـــــــــــــــامخ