كـلام الذيابـه

[السامر]

يابنت بالك لا يغـرك شياطين=حـذراك لايغـرك كـلام الذيابـه
يقول أحبك وأعشقك موت تدرين=أموت بك ياشوق شـوق الكتابـه
ويقصلك قصت حياة المحبين=يقول أحبـك وانتظـر منـك أجابـه
ويفرشلك الورد الحمر والبساتين=ويعطيك من حلو الكلام بذرابـه
والله يخسي ولد المطي لا تصدقين=ملعون خايب يخزن السم نابـه
تكفين ثم تكفين يابنـت تكفين=لاتدنسيـن اسمـك ومنهـو وفابـه
أخوك لامنه قعد بالدواوين=يقعـد وراسـه فـوق فـوق السحابـه
يابنت والله سمعتك فوق الاثنين=سمعتك من سمعة عرب لك قرابـه
سمعتك ثم سمعتك تسوى ملايين=ثم سمعتك ثم سمعتـك والمهابـه
وأن قال أحبك أفهمي وش تردين=قولي المحبه بالردى لي معابـه
وقولي له أهلي بالملاقى سلاطين=ودرب الدنس ياورع محدن مشابه
هذا كلامي وقولي اللي تقولين=.(( اللي يبيك يدل بيتـك وبابـه ))
والخاتمه يابنت طعم العسل زين=.مير البـلا اليـا دنستـه الذبابـه

منقوووووووووول