أعــذب غــلا

[مسفر بن عبدالله]

يالي هدوئك يقاوم حزة اهوالي = ويالي جمالك به النظرات مسحوره
ويالي بخطوات مشيك قفرها مالي = ويالي تثناي خصرك يجبر حضوره
ويالي كلامك به الالحان موالي = ويالي به انفاس عطرك ذاب حنجوره
ويالي بدمعك تذوب ارضه مع جبالي = ويالي بحزنك بها الاراوح مكسوره
ياسوسنة فكرتي ياراحة البالي = ياقوقعة عالمي ياحلم ديجوره
فيك امتلكني دلالك يومك اقبالي = ياوصفة الحب ياطبه يادكتوره
فيني خذيتي خفوقي وصار لك خالي = ياعذب غلا من سكن قلبي ودستوره
مافيه زولٍ يباهي زولك الغالي = جسمك ورسمك به الاوصاف ديكوره
يومي اناظر عيونك شلت موالي = كن السحر في عيونك ابتدا دوره
شفتك وشفتك وطار الهم والجالي = يالي بك ارض الخلا تنبت به زهوره
في شوفتك يختلف همي على حالي = واصير مابين رمش الحب وخطوره
واقسم قسم لو يجي طيفك وانا سالي = لاحضن توجاد طيفك والتمس نوره
يحلالي الشعر في عنجك ويحلالي = صوتك اذا ذاب في ملحك مع بحوره
جيتك وانا داخلي صدق الهوا صالي = يالي سكنتي غلا عمري مع قصوره
جيتك وانا رامي الغتره مع عقالي = جيتك عساني بقلبك ياحلى سنيوره
ماجيت ابوصف لحسنك غير بلحالي = من حر ماشافت عيوني من ضهوره
والحين ابي رايك الي مابه اهمالي = يالله عساني ملكت القلب وغروره
وان كان ماني بقلبك ارحل اشوالي = يكفي اكون بعيونك صادق شعوره