ﱢﱟﱞﱡ۩ﱡﱞﱟﱢَ صباح الورد ﱢﱟﱞﱡ۩ﱡﱞﱟﱢَ

[المستأسر]

لا ياصباح الورد والحب والنور=ياللي وعودك دوم تبطي عليه
ترى الوعد عهدٍ وللعهد دستور=ارجوك صوني العهد دامك وفيه
لك منزل في القلب والسر مستور=بقصى حنايا القلب مكبوت فيه
لا قلت بحكي شلت الاوراق مقهور=ودي اسولف للورق عن قضيه
قصة اسير ساقه الحب مجبور=لاهو بكيف الكيف ولا هو بديه
شيٍ غصب عني تملكني بغرور=شيٍ تعرى في فؤادي برويه
شيٍ يعانق خافقي حب وشعور=شيٍ تمكن وسط قلبي بكيه
شيٍ يلملم باقي انسان منثور=شيٍ يبدد سود الايام ضيه
شيٍ دفنته لاجل ما عيش مكسور=شيٍ عجز يعطي واخذني عطيه
شيٍ يعاندني وانا اهيم في بحور=شيٍ تملك كل كلي وشيه
شيٍ تعدى الوصف وان زت معذور=شيٍ ورب الكون ما شفت زيه
..:: المســتأسر ::..