سبحان الله وبحمده

[سجينة الذكريات]

سبحان الله وبحمده

[سجينة الذكريات]

سبحان الله وبحمده

سبحان الله وبحمده

[سجينة الذكريات]

أهلاً هلا بك يالغـلا ياجواهـر=ماعذب حضورك بين ناسٍ تحبِّك
برسل لقلبك من حروفي جواهر=يشهد عليها الله ربـي وربّـك

( أمل عبد العزيز )


يا ضد يآس الناس يا كل الآمال = يا اللي بخاطر من لجى لك كسرتي
ابسألك وابغى إجابتك بالحال = هو ليه قلبي يوم حبك هجرتي ؟

جواهر عبد الله

.

.


اهلاً هلا ياللّي نشدتي عن الحال = ياجوهرة حبك بقلبي بذرتي
حتى لو أن الهجر مابيننا طال=لوتعرفين إش كثر أحبك عذرتي

أمل عبد العزيز

[سجينة الذكريات]

دردشة خفيفة بيني وبين الشاعرة أمل والشاعرة وجدان :

نجمة الصبح يانور وظلال=لاتغيبي عن الليل الخلـي
كل ماصبحت غالبني سؤال=يامتى الهمّ عنّـي ينجلـي

( أمل عبد العزيز )



نجمة الصبح يا بنت الحلال=ليت تدري بأنـك تسألـي
ليت بانت بمنزلة الهـلال=طولت يوم قلتـي طولـي

( جواهر عبد الله )


العذوبه تبيـن بـلا جـدال=أجمل الحرف عن غيره جلي
القصايد بها صـدق وخيـال=والمشاعـر بعدهـا تمتلـي

( وجدان )

http://www.vip700.com/smiles/f1/148.gif


ودي اعرف انا وشلون شال=فهمينـي بليـز وعلّـلـي
واضحكي لين يرضيك المقال=ثم سمّي عليهـا واشعلـي

( أمل عبد العزيز )



لا نقاش بكلامك لا جـدال=يا أملنـا كثيـرا أتأملـي
يوم جبتي لنا العذري مثال=حن قلبي لحبـي الأولـي

( جواهر عبد الله )


http://www.vip700.com/smiles/f1/148.gif


وش على الحق من زيف الضلال=خدعتـه لـو خـدع ماتنطـلـي
وش على الشمس من سود الظلال=ينتهـي فـي ضياهـا وينجلـي

( وجدان )



الأمل طال ياوجدان طـال=ما سمعنا صفير البلبلـي
إن تغنينا نخاف امن الهبال=وان سكتنا بنـاره ننقلـي

( جواهر عبد الله )



الشعر لو سكن روس الجبـال=زغرطـي بالقصيـد وهلهلـي
وان غدا الشعر في جرف وهيال=وقتها صدق ضيقـي وازعلـي

( أمل عبد العزيز )



ياأمل راحت الليله خبـال=وياجواهر طلبتـك كمّلـي
دردشتنا ترى شعر وسجال=واصلينا جواهر واوصلـي

( وجدان )

http://www.vip700.com/smiles/f1/148.gif

والدردشة أطول من كذا .. وما نقلت إلا الخاص فيني ..

[سجينة الذكريات]

مجاراتنا لبيت الشاعر أحمد السديري رحمه الله ..

لا خاب ظنك في الرفيق الموالي
مالك مشاريه ٍ على باقي الناس

.

.

وشلون أبشكي لأبعد الناس حالي
إذا الموالي صد ما قال لا باس !!


( جواهر عبد الله )


يالربع مـن فيكـم يجـاوب سؤالـي
وش يفرق القصدير عن وهج الالماس
ياما عطينا من العسـل كـل حالـي
لكن عسلنـا ماشفـى كـل خنّـاس



( أمل عبد العزيز )

http://www.vip700.com/smiles/f1/dfgfd.gif

مجاراة لبيت الشاعر خالد الفيصل ..


من بادي الوقت وهذا طبع الأيامي
عذبات الأيـام ماتمـدي لياليهـا

.

.

أعيش عمري سعادة داخل احلامي
وانسى حقيقة زمـن لازم نداريهـا
أضحك وأبكي واشوف الناس قدامي
مثلي حزينه من الدنيـا وبلاويهـا



( أمل عبد العزيز )


ما سعدنا زمن والسعد مـا دامـي
وجاء بعده اللي إذا جاء النفس يشقيها
يا هيه لا تنخدع في بنـي الأحلامـي
ترى الليالـي تبيـن لـك خوافيهـا



( جواهر عبد الله )

[سجينة الذكريات]

غلطت والغلطات ماهي قليلة = الأولة عدت وطافت على خير
والثانية جتني وكانت ثقيلة = من ثقلها خلتك في عيني صغير
والثالثة ما هي تعدّي بحيلة = هنا هنا وقف ومن دون تبرير
أنا بكرامة عشت ماني ذليلة = وأبقى بشموخي لو تطول المشاوير


..

[سجينة الذكريات]

هذي رسالة حبرها عطر الورود = يا جرح طاهر وصل الإحساس أمانة
للي بصدق المشاعر لي تجود = ابكتب من الشعر لك يا أغلى جمانة
من وفت .. من نفذت كل الوعود = من غير أمل احتل في قلبي مكانة ؟!

[سجينة الذكريات]

يكفي يا دمع من أسبابك نقص شوفي
وعيني بحلو الكرى ما عاد تتهنى

يا الآه حارت حروف الشعر في جوفي
أحرقتها وأحرقتني ما درى عنا




دنت شمس المغيب وغاب معها سيد الخلان
وأنا أرقب فوق رجم الهم والحرمان مشرقها

ومن بكرة تجلت بالعنا والهم والحرمان
وآمال الخفوق المنتظر قامت تفرقها





نادى حرفٍ تعثر في بدايات الكلام
ما لقى من هو يلمه في تصاريف الزمن
كل ما قلت هانت وصارت أموري تمام
انصدم في ناسٍ لا تحس ولا تحن





يهتني الظالم ويعيش في هناء وفي رغد
ما درى بموعده مع خصيمه في الحساب
الكريم للمظلوم جازاه وأعطاه الوعد
دعوته ما يحجبها عن الخالق أي حجاب

[الحسني3]

اقتباس:
ماشاء الله تبارك الله ابيات في قمة الجمال والشاعرية

المشاركة الأصلية كتبت بواسطة سجينة الذكريات http://al-samer.net/dewan/5obra.com4/buttons/viewpost.gif (http://al-samer.net/dewan/showthread.php?p=507#post507)
على أمل صغت القصيدة بالأمثال




غنيت لحن الصدق من غير موال = واطربني الهاجوس من يوم غنيت
الحرف مع مستثمره يشرح البال = وأنا هنا بستثمر الحرف والبيت
على ( أمل ) صغت القصيدة بالأمثال = هذي لها طيب الوفا صار مانشيت
( أمل ) حياتي يا بعد كل من قال = أن الكرامة للمرة ما لها صيت
وأنتي هنوف وعن ثمانين رجال = أقولها وأطلع بها ما تخفيت
يا سيدة كل النسا مالك أشكال = مالك شبيه من النسا لو تقصيت
يا النادرة يا الشامخة بنت الأبطال = فعلك مدى وأنتي مدى لو تماديت
أنا مجرد شاعرة تشرح الحال = أحكي عن الواقع ولا أقول كفيت
أخاف من يومٍ يجي فيه ترحال = وإن طحت من دونك ترى ما تساويت
دام الوفا من بيننا حي ما زال = لو أخسر العالم ترى ما استهميت




جواهر عبد الله


( يالجوهرة لاتشغلك بعض الأحوال )..



البارحه جاني من الشوق مرسال=الشاهد الله يوم شفته تهنّيت
من جوهرتنا ذربة الحرف والقال=أصدق مشاعرها لمسته وحسّيت
أبيات صاغتها جواهر على آل=عجزت أنقّي من غلاها ولا بيت
عريبة المنسب من العم للخال=من طيّب النّبته تبين المنابيت
أغليتها لاشكّ والقلب ميّال=طبعي إذا حبّيت من قلبي أغليت
جت فوق هقواتي على كل معدال=الله هداني يوم فيها تهقويت
ليت المعاني تنتظم وسط سلسال=وانظم ثمين القاف والشعر ياليت
والله لالبسها بلا شك واختال=وافخر بها بين الملا لاتباهيت
يالجوهرة لاتشغلك بعض الأحوال=لايشغلك حالي إذا غبت وأبطيت
وسط الحنايا لك من الجال للجال=سيرة غلا ماتنتهي رحت أو جيت
ولك في عيوني ياغلا الروح منزال=وداخل رياض القلب شيّدت لك بيت
بعض الغلا يثبت كما تثبت جبال=حتى ولو أبطيت عنه وتنحّيت
ولايشغلك ياغالية هرج جهّال=لاتزعجك بعض العلوم الفتافيت
بعض الرجال المعذره ماهم رجال=ماتعرفين الحي منهم من الميت
البعض مايسوى ولايوصل ريال=ويخيس لو حطّوه وسط الحوانيت
كذّاب في غالب هروجه ومحتال=ومايحمل إلا الشر مثل الطواغيت
لو بحسب الشينه ترى ليلنا طال=أزرى المربّي ( مثل ماقيل ) وأزريت
والبعض لا والله صناديد وأشبال=يطير لانادوه مثل العفاريت
خفيف نفس وللمواجيب حمّال=ولايترك المسجد بكل المواقيت
ثابت على مبداه لو مات مامال=لاشفت مثله داخل القلب سمّيت
لكنّهم قلّه مثل حبة الخال=في وسط قفرا كلها هيت في هيت
ياللي تحسب المرجله هرج وجدال=زليت في ظنّك بلا شكّ وأخطيت
المرجله ماهي ترى كثرة أموال=الفقر ماعيّب قروم وشفاليت
والمرجله ماهي ترى بشت وعقال=ونتفة شنب لاحكّه الموس صديت
والمرجله ماهي خلق ثوب وسمال=وشماغ من كثر النشا به تنشيت
وتطرد بنزواتك ورا كل خلخال=ياكم لقيت من المهانه وهجّيت
والمرجله ماهي ترى هرج جوّال=وتعيش لحظاتك خداع وتناهيت
لاهمّتك زوجه ولاهمّك عيال=راحت حياتك بالسخافات تشتيت
المرجله صدق المواقف والأفعال=وسلوم مايقدر عليها الهلافيت
وختامها يالجوهره سترك الفال=يحفظك ربي كل مااصبحت وامسيت
وحبّك ترى مايثبته قطع ووصال=مادام لك في خافقي يالغلا بيت



.
.
أمل بنت عبدالعزيز