خليل المجد

[لميس الحلوه]

المجـد والتقديـر والطيـب كلـه = فيك انت من بد المخاليق يختـال
ان كان به شخص الوفا مثل ظلـه =هو انت ما فيها بعد شك وجـدال
يشوف عندك طافر البخـل ذلـه = عليك صعب مطمن الروس يحتال
وفيك انت يلقا الوصل مجده ودله = باقصى العرب والجد والعم والخال
يا من حويت العـز دقـه وجلـه = سبحان ربٍ مانحك به سعة بـال
ان كان به للطيب شـرع ٍ وملـه = واصبح سجايا بالمخاليق وخصال
ما غيرك أحدٍ بالمكارم هـل ٍ لـه = انت الوصي المخلص بكل الاحوال
خليل مجـدٍ عـز عنهـم وخلـه = يوصي به الراحل عن الدار نزّال
يابـو حجـاج ٍ بالشهامـه تفلـه = عليك من فهد العرب طيبة الفـال
ودرب الوفا لك كل حـي ٍ يدلـه = تكبر بك احلام ٍ وتحيا بك آمـال


الامير الشاعر:عبدالعـزيز بن سـعود بن محـمد آل ســعود