ركّـــب الاغـــراب

[رحيل]

ركــب الاغراب
""""""""""""""""

في غربتي عارضت انا ركب الاغراب
أشــدّ وانزل والليالي ركايب

أضداد وأقران وعدوان واصحاب
متناقضات الخلق ماغاب غايب

وقامت تجاذبني على درب الاسباب
نفس الشباب يحدّها عقل شايب

أصبح على فجرٍ ضحوكٍ وعجّاب..
وامسي على همسات ستر العجايب..

واسهر مع تهويم نجمات الاحباب
حتى يصير النجم بالصبح ذايب

مشيت في رمضا وسنّدت بهضاب
وعارضني سيولٍ وهبت هبايب

وامسيت في صحرا وقيلت في غاب
ومن طول الغربات شاف الغرايب

مرّتني الدمعه بها الوجـد ماذاب
في غربة الاشواق راحت ذعايب

ومرّتني البسمه تقل فوقها حجاب
وراك خجلى يارسول الحبايب..

والحبّ مريته غريبٍ على باب
عقب القصور امست بيوت خرايب

بغيت اسلي خاطره عقب ماشاب
لقيت ماله بالتسلي طلايب

اقفى مع المحبين وجلٍ ومرتاب
على عقوق الوقت بالحيل عايب

في غربتي مريت رجلي وركّاب
ارزاق من رب الخلايق...

""""""""""""""""""""""""""