"سجل حضورك ببيت ارتجالي "

[عبد الله العتيبي]

رد: "سجل حضورك ببيت ارتجالي "

إن فعلت الخير بالناس العدم

إحتسب أجـرك لعلاّم الغيـوب

من يـقـول إن التِعجّل من ندم

والتأني ذنب مـن ترك الذنـوب

[رياح الوفا]

رد: "سجل حضورك ببيت ارتجالي "

في دنيتك احرص على هالحاجتين / وتصبح من اللي عايشين ن با النعم

ارضاء ربك ثم رضاء الوالدين / ومن بعدها مافي هموم ولاندم

[رياح الوفا]

رد: "سجل حضورك ببيت ارتجالي "

يالله اللي مالغيرك توجهت / اشكي عليك هموم قلب ن كثيرة

في دورة الايام يا خالقي تهت / يالله سهل لي دروب ن عسيرة

[رياح الوفا]

رد: "سجل حضورك ببيت ارتجالي "

يا بنت انا اشكي لك غلا صاحب ن لي/ غلا من الله صدق ماهوب تصنيع

مرات هو روحي ومرات كلي / غلاه موت وقطع القلب تقطيع

الشاهد الله ماعشقته تسلي / شكواي لله به تولعت توليع

هو دنيتي والعمر دونه يولي /اشريه في عمرن بقا لي ولا ابيع

ولا اريد احد غيري يقرب لخلي / وان كان خلي قرب لغيري اضيع

[عبد الله العتيبي]

رد: "سجل حضورك ببيت ارتجالي "

للرفع عشان ما يتقفل الموضوع بعد اكتمال 180 يوم على الخمول

[عبد الله العتيبي]

رد: "سجل حضورك ببيت ارتجالي "

خلاص لا ترجع ترى خاطري طاب
قـلبـي دعيـته عـن غـرامـك وعـوّد


اخـاف لـو نـرجـع مـثـل اول أحباب
يـــومٍ تـبـيّـض وجــه يـــومٍ تـسـوّد

[رياح الوفا]

رد: "سجل حضورك ببيت ارتجالي "

شهر رمضان اقبل عسى الله يحييه/ وقامت عباد الله تزف التهاني

وكلن يبارك في قدومه لغاليه/ وانا ببارك لك ياكل الاماني

يا مالكن قلبي ويا سا كنن فيه / ويا روح روحي دون قاصي وداني

ما بيني وبينك عتاب ومشاريه / بيني وبينك حب واسمى المعاني

[رياح الوفا]

رد: "سجل حضورك ببيت ارتجالي "

ما اتبع المقفي لو ان القلب عنده / من يبيع الود لايرجي رجوعي

[عبد الله العتيبي]

رد: "سجل حضورك ببيت ارتجالي "

بحـثـت عنك ومالـقـيـتـك مع الناس
وجـيـت اتسائل ياتـرى وش عـلومك




وش صار في دنياك ياعطر الأنفاس!
وش صار في شكواك من قل نومك!

[رياح الوفا]

رد: "سجل حضورك ببيت ارتجالي "

الغيرة اللي بقلبي ما تقدرها / ودايم بحكم ليا عاتبت غلطانه

وانته ليا ضقت نفسيتي تكدرها/ افديك بالروح وبقلبي وشريانه

نفس ن تحبك متى بالحب تشعرها / متى تحس بغلايه وانت عنوانه

[رياح الوفا]

رد: "سجل حضورك ببيت ارتجالي "

ياجعل ربي يبتليك بغلايه / وعساك من زود الغلا تسهر الليل
حتى تحس بلوعتي وبشقايه / وتشوف همي والعنا والغرابيل
يا الله طلبتك لاتخيب رجايه / تبلاه في حب ن يهز الرجاجيل
تبلاه في حبي انا وبهوايه / وفي حب غيري ياعسى ماله الميل
وعساه من حبي يدور رضايه / ويجرب احساس ن موريني الويل

[عبد الله العتيبي]

رد: "سجل حضورك ببيت ارتجالي "

مدار الفلك في حبك امطر شـجـونـي
على قوس شوقي تحت متن امنياتي

وجيتك وله وإحساس يعزف سكوني
على راحـلـة صـبـري وجـن ذكـريـاتي

تـعـلمـت مـن صـدك اداري عـيـوني
اذا جابتك ذكرى نـخـيـت عـبـراتـي

وانا بـيـن برد الـهـجر والحلم كوني
مثل الصقيع اللي لمس أمسياتي

دخيل الزمان اللي مضى ياحنوني
لا تــتــرك الأيــام تـعـلـن شـتـاتـي

[رياح الوفا]

رد: "سجل حضورك ببيت ارتجالي "

الله يرحم زمان الحب يانوره /ماباقي ن له صدى بقلوب كذابه

زمان الجداد فيه قصص مشهوره /لقلوب عشاق محترقه و منصابه

حب ن حقيقي وله لحظات مذكوره / ماهو مجرد كلام لناس لعابه

[رياح الوفا]

رد: "سجل حضورك ببيت ارتجالي "

ماعاد بالمنتدى ياغير مدبولي / اللي بالعلان دوخنا ومرمطنا

مافاده الحظر ولا ينفع القولي /نقول يكفي وكنا نطالبه عطنا ههههههه

[عبد الله العتيبي]

رد: "سجل حضورك ببيت ارتجالي "

صباح الخير رياح ..

وعشان خاطر هالبيتان الرائعان

تم حظر مدبولي مدى الحياة

ههههههههه