من ينصفه بحقوقه الادميه

[صالح العنزي]

[poem=font=",6,red,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
ما دام لجداد الطواريق ميدان=وللكلمه الحره مواقف قويه
اشعلت هاجوس الفرايد والالحان=هذي طلايعها وباقي بقيه
ياهل قطر ما عاد للصبر عنوان=وانتم سلايل محتمين الحميه
محمد بن الذيب ماهوب (حيوان)=من ينصفه بحقوقه الادميه
الى وقفتم وقفت ابطال شجعان=تهون كل المعسرات العصيه
قومو بوجه الظلم شيبا وشبان=وكفًو شعار الكبح والعنجهيه
ما قول دونه شيلو السيف شامان=نقول لا للفتنه الداخليه
حنا الخليج احباب واقراب واخوان=فينا على حكامنا غايريه
فينا الولا ثابت على مر الازمان=ما دامهم شالو هموم الرعيه
لو كان نقص العدل في بعض الاحيان=تردنا لعصورنا الجاهليه
الى ذكرت الحق في غلطة السان=يمكن يعيد بك بعيد الضحيه
ياليت حكام العرب مثل ما كان=زايد ومدت كفه الحاتميه
[/poem]

[جنة اليمان]

رد: من ينصفه بحقوقه الادميه

انهارت الجامعة العربية دول وشعوب بسبب الفتن واملنا بالخليج العربي يفضل متماسك بوجه هذا الفيروس الفتاك
اسال الله للوطن العربي العافية والشفاء العاجل
صح لساتك ويميتك شاعرنا القدير

[اسرار]

رد: من ينصفه بحقوقه الادميه

شكرا للطرح الجميل


تحياتي لك

[عبد الله العتيبي]

رد: من ينصفه بحقوقه الادميه

صح لسانك وعلى شانك شاعرنا المتمكن والمبدع صالح

تغرف من بحر وﻻ فيك حيلة..

دمت ودام هذا البريق

مودتي

[رياح الوفا]

رد: من ينصفه بحقوقه الادميه

الشاعر القدير / صالح العنزي

صح لسانك وسلم بوحك

نص معبر ورائع وجميل

والله يفرجها من عنده سبحانه

الله يعطيك العافية على هذا الإبداع

لك كل الشكر

[ابوحنان الشمري]

رد: من ينصفه بحقوقه الادميه

ا
اا

(( كبير .. كبير أخوي صالح .. صح لساااانك ))

اا
ا