سلالة جروحي

[عبد الله العتيبي]

للتوثيق من اجل ضمها الى الديوان

مسافر بدرب الحزن ومودع اوطان
مستسلم الآمال معلن نزوحي

درب الألم لو طاح من كف الأحزان
تستقبله من بد الأرواح روحي!!

حاضر حياتي مثل بالزبط . ماكان
الهم يهدم كل ما أبني . صروحي

انا البصير اللي كتب بين عميان
محدن قرأ ولا فهم نزف بوحي!!

غريب في مركب . ولا فيه . ربان
بس العواصف . والاماني . ونوحي

متلثمن بالضيق . في كل الاحيان
ومركاي خيطه من سلالة جروحي

وحيد مالي . بين الاحباب . خلاّن
متشردن في سر . غامض وضوحي

أعذب لقاء عمري سعادة بالاغصان
يبست مسافاته . تخطىّ . سفوحي

مغمور حزن أصناف واشكال والوان
والمحترف صدري يلوح . ويلوحي

عذر الفرح مخلوق مو لي . لأنسان
ماعرف منهو بس يشبه . طموحي !!

[اسرار]

رد: سلالة جروحي

عبد الله العتيبي صح لسانك واعتلى شانك


دائماً تتحفنا بجديدك


تقبل مروري مع تحياتي

[رياح الوفا]

رد: سلالة جروحي

الشاعر القدير/ عبدالله العتيبي

اولاً الله يبعد عنك الحزن والضيق يارب

وثانياً صح لسانك على هذه الدرة الثمينه

والتي لاتستغرب من شاعر بحجمك

الله يعطيك العافية على هذا الإبداع

لك شكري وتقديري

[ابوحنان الشمري]

رد: سلالة جروحي

الشاعر القدير العذب عبدالله العتيبي
صح لساااااااااااااااااااااااااااانك