النهر الجاري

[عبد الله العتيبي]

للتوثيق ووضعها في الديوان

هبايب الحرمان فيني .. وهبّت
وسوط الحنان اللي كفربي ولاتاب

ولعبت بي آهات الوله وأستتبّت
يوم جعلت في صدري الآه مِحراب

غرون سرقني من زماني وثبّت
دقات قلبي حين طرياه .. بطناب

روحي معه راحت نثر يوم حبّت
وانا ادري ان الحب تاليه معطاب

من غاب ناري بين الاضلاع شبّت
نار الكريم اللي يشبّه .. للأجناب

ومن وين ماصبيتها طيب . صبّت
بفنجانه التقدير مني . والآعجاب

له رغبة الفارس بمهرن . تربّت
بسطبل خيل الهيلع الفارس عقاب

يالعيطبول . الخود . يالحلم تنبّت
صحرا بصوتي لا تهجّيتك أعشاب

يالغانية من حبك النفس .. طبّت
في حلم نهرن يجري بسر الأحباب

في .. سرمديّه نشوة آمال . لبّت
وأغتبت .. منها كل ماكنت أبغتاب

أعذب . وصف للحلم نجمة تخبّت
من تحت عنّاب الخجل ألف عنّاب

ودعتها وأقفت عني .. ثم .. قبّت
خيل النوى مع كل فجن له .. غياب

تبّت دروب البعد والهجر . تبّت
والخطوة اللي مالها وجه وأسباب!

[ابوحنان الشمري]

رد: النهر الجاري

صح كلك على بعضك أخي الفاضل القدير
أبا يوسف .. دائماً أجدك رائعاً

[رياح الوفا]

رد: النهر الجاري

شاعرنا القدير/ عبدالله العتيبي

صح لسانك وسلم بوحك

نص رائع ومن النوع الفاخر

الله يعطيك العافية على هذا الإبداع

لك شكري وتقديري